Қордай аудандық мәдениет үйінде, аудандағы жұмыссыз азаматтарға арналған бос жұмыс орындары жәрмеңкесі өтті.
«AMANAT» партиясы аудандық филиалы мен Қордай ауданы бойынша мансап орталығының бірлесе ұйымдастыруымен өткен «Кедергісіз келешек» іс-шарасы жұмыссыз азаматтар үшін үлкен мүмкіндік сыйлады.
Жәрмеңке барысында 41 жұмыс беруші 96 бос жұмыс орнын ұсынды.
Іс-шараға қатысушылар үшін жұмыспен қамту мәселелерін шешуге бағытталған түрлі ақпараттық материалдар мен кеңестер ұсынылды. Жәрмеңкеде жиналған адамдар жұмыс берушілермен тікелей байланысып, өздерін қызықтырған вакансиялар туралы біле алды.
Қордай ауданы бойынша жыл басынан бері мүмкіндігі шектеулі 57 азамат тұрақты жұмысқа орналасқан, оның ішінде 10 азамат квотамен жұмысқа жолданды. Бұл көрсеткіш ауданның әлеуметтік саясатының тиімділігін және мүмкіндігі шектеулі жандардың қоғамда белсенділігін арттыруға арналған шаралардың тиімділігін көрсетеді.
Бос жұмыс орындары жәрмеңкесінің өткізілуі мүмкіндігі шектеулі азаматтардың жұмысқа орналасуындағы кедергілерді жоюға, жұмыс берушілермен тікелей байланыс орнатуға ықпал етті. Бұл сияқты бастамалар болашақта жұмыс іздеушілер үшін жаңа мүмкіндіктерді ашуға көмектеседі.
Әділет ҚҰТТЫБАЙ
