Масаншы ауылдық округінде бақша дақылдарын жинау жұмыстары басталды. 2400 гектар алқапты игерген округ диқандары мол өнімнен үмітті. Ала жаздай тер төгіп, істің көзін тапқан шаруалар гектарынан 17 тонна сарымсақ, 20 тонна картоп, 20 тонна сәбіз алуда. Алқаптан жиналған қызанақ, қияр, қызылша, қырыққабат сұрыпталып, аудан орталығындағы базарлармен қатар Алматы, Нұр-Сұлтан, Қарағанды қалаларына жіберіліп жатыр.
