Қордай аудандық орталық ауруханасында қол гигиенасы күні өткізілді. Іс-шара барысында медицина қызметкерлеріне қолды дұрыс өңдеу техникасы көрсетіліп, оқыту жұмыстары жүргізілді, сондай-ақ инфекциялардың алдын алудағы негізгі қағидалар еске салынды.
Қол гигиенасы — медициналық көмектің қауіпсіздігін қамтамасыз етудегі ең маңызды әрі тиімді шаралардың бірі. Дұрыс әрі уақтылы орындалған қол өңдеу науқастар мен медицина қызметкерлерін инфекциялардан қорғайды, ауруханаішілік инфекциялардың таралуын болдырмайды.
Мереке аясында кішкентай пациенттердің көңіл-күйін көтеру мақсатында оларға әуе шарлары сыйға тартылды.
Әрбір таза қол — бұл сақталған өмір.
Біз қауіпсіз медицинаны бірге қалыптастырамыз!
