Сұлутөр ауылдық округі әкімі аппараты тарапынан кәмелетке толмағандарды заңсыз еңбекке тартудың алдын алу бағытында түсіндіру жұмыстарын жүргізді.
Аталған жұмыстар аясында ауылдық округ аумағында орналасқан кәсіпкерлер және ата-аналарға, жасөспірімдерге түсіндіру жұмыстары жүргізіліп, Қазақстан Республикасының еңбек заңнамасының талаптары түсіндірілді. Кәмелетке толмағандарды еңбекке қабылдау кезінде заң талаптарын сақтау, олардың құқықтарын қорғау және қауіпсіз еңбек жағдайларын қамтамасыз ету жөнінде ақпараттық-түсіндіру жұмыстары жүргізілді.
Сонымен қатар, түсіндіру жұмыстары барысында заң бұзушылыққа жол бермеу қажеттілігі ескертіліп, ақпараттық жадынамалар таратылды.
Бүгінгі таңда ауылдық округ аумағында кәмелетке толмағандарды заңсыз еңбекке тарту фактілері анықталған жоқ.
