«Тарихпен танысқан адам музейден мақтаныш сезімімен шығады»
«Музей – тек алтын сандық емес, жасампаз ұлт болғанын дәлелдейтін нысан. Музейге келушілер қатары көбейіп келеді. Олардың көбі музейден мақтаныш сезімімен шығады. Алтын адамды көргенде ерекше әсер алады. Өйткені екі жарым мың жыл бұрын осындай күрделі туынды жасай алған бабаларымыздың шеберлігі келушілерді таңғалдырады. Бүгін мұндай дүниені арнайы зергерлердің көмегінсіз жасау қиын. Бұл – ата-бабаларымыздың техникасы мен шеберлігінің жоғары болғанының дәлелі. Музейдегі этнографиялық жәдігерлер де халқымыздың мәдениеті мен өнерінің тереңдігін көрсетеді», — деді ҚР Ұлттық музейінің директоры Берік Әбдіғалиұлы.
