Жамбыл облысының әкімі Ербол Қарашөкеев Республика күні қарсаңында қайта жаңғыртудан өткен «Тараз» теміржол вокзалының ашылу рәсіміне қатысты.
Мемлекет басшысының тапсырмасына сәйкес елімізде теміржол вокзалдарын жаңарту жұмыстары жүргізілуде. Осы бағдарлама аясында Жамбыл облысындағы Тараз, Шу, Түрксіб, Отар және Боранды станцияларындағы бес вокзалды жаңғырту көзделген. Жобалардың жалпы құны 14,1 миллиард теңгені құрайды. Оның ішінде Тараз теміржол вокзалын жаңартуға 3,4 миллиард теңгеден астам қаражат бағытталды.
