AI-орталықтың артықшылықтары қандай?

0
Мемлекеттік қызметтерді алу үдерісін жеңілдетіп, тұрғындардың цифрлық сауаттылығын арттыру бағытында өңірде жаңа бастама жүзеге асты. Енді азаматтар қажетті құжаттарын рәсімдеп, электрондық қызметтерді маманның көмегінсіз-ақ өз бетінше ала алады. Осы мақсатта заманауи технологиялармен жабдықталған AI-офис өз жұмысын бастады. Жаңа орталықтың басты ерекшелігі – дәстүрлі қызмет көрсету үлгісінен өзін-өзі қызмет көрсету форматына көшу.

Орталықтың ашылу салтанатына облыс әкімі Ербол Қарашөкеев пен «Азаматтарға арналған үкімет» мемлекеттік корпорациясы» коммерциялық емес акционерлік қоғамының (КЕАҚ) басқарма төрағасы Арман Кенжеғалиев қатысты.

Жаңа орталықта тұрғындарға қолайлы жағдай жасау үшін бірнеше қызмет көрсету аймағы ұйымдастырылған. Мұнда экспресс- қызмет көрсету, цифрлық сервистерді пайдалану, мамандардан кеңес алу және оқыту аймақтары қарастырылған. Сонымен қатар келушілерге арналған демалыс орны бар. Орталық заманауи моноблоктармен, жоғары жылдамдықтағы сканерлермен және eGov GPT жүйесіне қол жеткізуге мүмкіндік беретін ақпараттық панельдермен жабдықталған.

«Азаматтарға арналған үкімет» мемлекеттік корпорациясы» КЕАҚ басқарма төрағасы Арман Кенжеғалиевтің айтуынша, жаңа орталықтың бұрынғы халыққа қызмет көрсету орталықтарынан басты айырмашылығы – азаматтардың мемлекеттік қызметтерді өз бетінше алуына басымдық берілуі.

Leave A Reply

Your email address will not be published.