30 желтоқсанда аудандық мәслихаттың сессиясы өтіп, оны Қордай аудандық мәслихатының төрағасы Нұрдин Садықов жүргізді. Сессия жұмысына депутаттардан бөлек аудан әкімінің орынбасары Бақыт Сахатов, ауылдық округ әкімдері, бірқатар аудан әкімдігінің бөлім басшылары қатысты.
Сессияда Қордай ауданы ауылдық округтерінің 2025-2027 жылдарға арналған бюджеті туралы аудан әкімдігінің экономика және бюджеттік жоспарлау бөлімінің басшысы Светлана Абдужалиева толық баяндама жасады. Жан-жақты талқылаудан кейін депутаттар оны бір ауыздан бекітті.
Сондай-ақ сессияда басқа да мәселелер қаралып, олар бойынша тиісті шешімдер қабылданды.
