Медицина – күн сайын жаңарып, адам өмірін сақтап қалуға бағытталған тың технологиялармен толығып келе жатқан сала. Әсіресе онкологиялық ауруларды емдеуде соңғы жылдары қол жеткізілген жетістіктер науқастардың өмір сүру сапасын жақсартып қана қоймай, олардың қоғамға қайта бейімделуіне де мүмкіндік беруде. Бұрын тек республикалық деңгейдегі ірі медициналық орталықтарда ғана жасалатын күрделі реконструкциялық операциялардың бүгінде өңірлерде де қолға алынуы – денсаулық сақтау жүйесінің қарқынды дамуының нақты көрінісі.
