Студенттік өмір жастардың ең көңілді, әсерлі, шаршау мен уайымды білмей, ізденумен, үйренумен, танысумен, табысумен өтетін ерекше шақ. Бұл кезде білім кеңістігің, көңіл көкжиегің кеңейіп, махаббат пен ғашықтық отының да ыстығына күйіп, жалынына шарпыла жүретін кез.
Бүкіл Қазақстан бойынша аталып өтілетін мерекелерден бөлек барша студенттер қауымы үшін айтулы мереке – «Студенттер күні». Жаңа тың идеяларға толы студенттер өздеріне арналған бұл күнді ерекше атап өтетіні айтпаса да белгілі.
Осы бір атаулы күннің тарихын еске түсірейік. 1939 жылы 16 қараша күні прагалық студенттер мен ұстаздар неміс басқыншыларына қарсы көтеріліске шықты. Студенттердің көтерілісінің нәтижесінде 1939 жылдың 17 қарашасында чех жоғары оқу орындарын жауып, 10 студентті атып, 1200 көтеріліске қатысқан студенттерді концлагерьге жапты. Екі жыл өткен соң 1941 жылы Лондонда өткен нацизмге қарсы студенттердің Халықаралық кездесуінде, Чехославак коммунисті Отто Шлингтің ұсынысымен бұл күнді, қаза тапқандар құрметіне, жыл сайын студенттер күні ретінде атап өту шешімі қабылданған болатын. Содан бері осы бір айтулы дата жыл сайын аталып өтіп келеді. Осы орайда бір өзінде бірнеше оқу орны бар ауданымыздағы студенттердің өмірі туралы айтып өтсек. Солардың бірі
17 жасар Алина Чикарова өзінің академиялық жетістіктерімен ғана емес, сонымен қатар сурет салуға деген ерекше талантымен, сондай-ақ патриотизммен және спортқа деген сүйіспеншілігімен ерекшеленеді. Оқудан бос уақытында ол таңғажайып өнер туындыларын жасайтын шебер суретшіге айналады.
Алина Рыспекқызы Ауқатты ауылында дүниеге келгенімен балалық шағы Қақпатас ауылында өткен. Көпбалалы отбасынан шыққан, алты баланың ішіндегі екіншісі. Өзінен кейінгі інілері мен сіңілдеріне қарап жүріп, соған үйренгендіктен, осы мамандықты таңдады.
Алинаның сурет салуға деген сүйіспеншілігі оның балалық шағынан бастау алады. Ол әрқашан айналасындағы әлемнің сұлулығына тәнті болып, оны қағазға түсіруден қуаныш тапты. Қарындаштар мен қылқаламдардың көмегімен ол өз ойлары мен эмоцияларын білдіріп, бос парақтарды жарқын суреттерге айналдырды.
«Мен кішкентай кезімнен сурет саламын. Бірақ мен еш жерде оқымадым, өзім дамимын, оқимын, үнемі ізденісте боламын. Мен үшін сурет салу — жай ғана хобби, бос уақытымды тиімді өткізудің амалы. Мен тәрбиеші мамандығын таңдаған себебім, балаларды жақсы көремін, өйткені олар үлкен қызығушылықпен және ризашылықпен тыңдайды», — дейді студент.
Алинаның жұмысы реализм мен қиялды біріктіреді. Ол акварель, май және сандық құралдарды қоса алғанда, әр түрлі көркем материалдарды шебер меңгерген. Оның шынайы портреттері нәзік ерекшеліктер мен мимиканы бейнелейді, ал оның фантастикалық пейзаждары көрермендерді қызықты әлемдерге апарады. Алинаның шабыты әртүрлі жерлерден алынады. Ол сұлулықты күнделікті өмірде, табиғатта және ұлы шеберлердің шығармаларынан табады. Оның жұмысы көбінесе адамның байланысы, эмоциясы және ішкі әлем тақырыптарын зерттейді.
А.Чикарова талантты суретші және еңбекқор студент қана емес, сонымен қатар өте ынталы спортшы. Ол бір жыл бокспен, содан соң тағы бір жыл ережесіз жекпе-жек түрлерімен айналысқан.
«Болашақта мен жақсы жаттықтырушы және құрметті тәрбиеші болғым келеді. Оларға жақсы, мейірімді болуға, өздерін қалай қорғауға болатыны, жан – жақты дамыған және мақсатты болуға үйрету, ал ең бастысы — өз Отанына деген үлкен сүйіспеншілікті ояту – осы менің алға қойған мақсатым», — дейді кейіпкеріміз.
Бала кезінен сурет салуға құмар қыз қылқалам көмегімен өмір мен эмоцияға толы таңғажайып сюжеттер жасай отырып, өз ойлары мен сезімдерін білдіреді. Осындай тамаша мереке қарсаңында біз Алина Чикарованы және ауданымыздың барлық студенттерін құттықтап, табысты оқу мен қызықты студенттік өмір тілейміз!
Мадина УЗБЕКОВА
