Қордайлық атбегі халықаралық аренаны бағындырып жүр
Қазақстан тағы да биіктен көрінді! Қордай ауданының тумасы, белгілі атбегі Мейір Кипчакбаев халықаралық аренада зор жетістікке қол жеткізді. Оның тұлпары Принц Майкл Варшавадағы әйгілі Служевец атшабарында өткен айтулы жарыста ғажайып жылдамдық, күш пен төзімділік танытып, қазылар мен көрермендердің жүрегін жаулап,
Богдан Томашевский атындағы құрметті атаққа лайық деп танылды.
Бұл жарыстар әлемнің түкпір-түкпірінен үздік шабандоздар мен жылқылар қатысатын ат спорты әлеміндегі басты оқиғалардың бірі болып табылады. Осы жылы Принц Майкл өзінің ең танымал қарсыластарын артта қалдырып, нағыз сенсацияға айналды. Оның мәреге сенімді түрде жетуі көрермендерді қуантып, жарыстың нағыз жұлдызы деп танылды. Бұл жеңіс қазақ атбегілік өнерінің халықаралық аренада лайықты орын алатынының айқын дәлелі.
Қордай ауданына қарасты Ауқатты ауылынан шыққан Мейір Кипчакбаев саналы ғұмырын ат спортын дамытуға арнап, түрлі жарыстарда жетістіктерін талай рет растады. Дегенмен, Варшавадағы жеңіс ол үшін нағыз шыңға айналды – табандылықтың, кәсіпқойлықтың және өз ісін терең түсінудің символы.
«Мен үшін бұл жай ғана жеңіс емес, біздің жұмысымыз, атбегілікке деген құштарлығымыз нақты нәтижелер әкеліп жатқанының жемісі. Біз Қазақстан тек ат жарысында ғана емес, халықаралық деңгейде атбегілікті дамытуда да көшбасшы бола алатынын әлемге көрсетуге тырысудамыз», — дейді Мейір Кипчакбаев.
Варшавадағы Служевец атшабары бай тарихы мен жоғары стандарттары бар, тек мықтылар ғана жарысатын жер екенін атап өткен жөн. Қазақстан үшін мұндай жарыстарға қатысу үлкен мәртебе, ал Принц Майклдың жеңісі бір аттың ғана емес, бүкіл елдің әлеуетін көрсететін жетістік.
Бұл жеңіс еліміздің түкпір-түкпірінен де халықаралық аренаға шығуға болатынын дәлелдеп, қазақ жылқысының өзге елдің үздік жылқыларымен бәсекеге түсе алатынын таныта отырып, қазақ халқын шабыттандырады. Мейір Кипчакбаевтың жетістігі – құмарлықтың, табандылықтың және өз ісіне деген сүйіспеншіліктің маңыздылығын көрсетеді.
Мейір Кипчшакбаевты және оның командасын осы тамаша жетістігімен құттықтаймыз! Оларға жаңа жеңістер мен әлемдік аренадағы салтанатты жолының жалғасуын тілейміз!
Шолпан САБАНОВА
