Жамбыл облысының әкімі Ербол Қарашөкеев Жамбыл ауданының Гродеково ауылында орналасқан «Мөлдір бұлақ» оқу-сауықтыру орталығына арнайы барып, тексерді.
Мемлекет басшысының тапсырмасына сәйкес бұрын Президент резиденциясы ретінде пайдаланылған бұл нысан бүгінде балалардың игілігіне қызмет етіп келеді. 2023 жылы орталықтың ғимараты мен жылу жүйесіне күрделі жөндеу жүргізіліп, материалдық-техникалық базасы жаңартылды. Нәтижесінде балалардың сапалы демалуы, білім алып, шығармашылық қабілеттерін дамытуы үшін қолайлы әрі қауіпсіз орта қалыптастырылған.
