8 наурыз – Халықаралық әйелдер күні мерекесіне орай «Жастар ресурстық орталығы» коммуналдық мемлекеттік мекемесінің ұйымдастыруымен №7 Бетқайнар колледжінде білімгерлер арасында «Әулиеата аруы – 2024» байқауы өткізілді.
Халқымыздың төл мәдениеті мен өнерін, салт-дәстүрін дәріптеуге, қыз баланың бойындағы инабаттылық, даналық, ибалылық қасиеттерін насихаттауға бағытталған сайысқа алты ару қатысты. Байқаудың әр кезеңінде қыздар тапқырлық танытып, әрқайсысы өзінше даралығымен, даналығымен бір-бірінен кем түспеді. Дегенмен өзге қатысушыларға қарағанда, Марзия Исағұл есімді білімгер жауаптарының ұтымдылығымен, өнерімен дараланып, қазылар алқасының шешімімен бас жүлдені жеңіп алды. Ал жүлделі І – орынды Ақылбек Ұлдана, ІІ – орынды Иса Милана және Азизова Карина иеленді. Байқауға қатысқан қатысушылар «Жастар ресурстық орталығы» КММ-нің сыйлықтарымен марапатталды.
