№Мен, Кемелхан Бекзат Қайратқызы, 1998 жылдың 12 шілдесінде Жамбыл облысы, Қордай ауданы, Беріктас ауылында дүниеге келдім.
2013 жылы «Береке» гуманитарлық-техникалық колледжіне «құқықтану» мамандығы бойынша оқуға түсіп, 2016 жылы аяқтадым.
2017 жылы «Халықаралық Тараз инновациялық институтында» «құқықтану» мамандығы бойынша жоғары оқу орнына түсіп, 2020 жылы аяқтадым.
Еңбек жолымды 2016 жылы Қақпатас ауылдық округінің әкімі аппаратының спорт инспекторы қызметінен бастадым.
2017-2019 жылдары Қордай аудандық полиция бөлімінің жергілікті полиция бөлімшесінде әлеуметтік қызметкер болып жұмыс атқардым.
2019 жылдың наурыз айынан баста бүгінгі күнге дейін «Жастар ресурстық орталығы» КММ ақпараттық талдау бөлімінің жастар ісі жөніндегі инспекторы қызметін атқарып келемін.
Құрметті сайлаушылар!
Менің басты мақсатым – Әділетті қоғамның қалыптасып, ауыл тұрғындарының табысының барынша артуы болып табылады. Ол мақсатқа жету үшін алдыма өзімнің сайлауалды бағдарламамды қойып отырмын.
Инфрақұрылымдық жүйелерді жақсарту.
Өз сайлау учаскемдегі көше жолдары мен жарықтандыру жұмысын жандандыруға ықпал ету.
Мәдени, білім объектілердің қолжетімділігін қамтамасыз ету.
Бұқаралық спортты дамыту.
Өтеген ауылында жастар арасында спорт пен салауатты өмір салтын қалыптастыру мақсатында «Street work out» алаңдарының құрылысына ықпалымды тигіземін.
Өз елінің нағыз патриоты ретінде сыбайлас жемқорлықтың кез келген көріністеріне «нөлдік» төзімділік атмосферасын құруға және оның Қазақстандағы деңгейін төмендетуге, халқымыздың бірлігін нығайтуға ұмтылатын боламын.
Құрметті сайлаушылар!
Мен өз сайлаушыларымның әл-ауқаты мен өмір сүру сапасын едәуір арттыру бойынша қойылған міндеттерді шешу үшін сайлауға барамын.
