Қазақ халқының ежелден сақталып, атадан балаға мұра етіп қалдырған салт-дәстүрін құрметтеу, білім алушыларды ұлтжандылыққа, халқымыздың салт-дәстүрін қастерлеуге, өзге ұлт өкілдерінің арасында тілдің дұрыс қолданылуын қамтамасыз ету, тілдің әлеуметтік және мәдени маңызын түсіндіру мақсатында Масаншы ауылдық мәдениет үйі алаңында, Міржақып Дулатұлы, Жүсіпбек Аймаутов және Әл Фараби атындағы орта мектептерінің ұйымдастырумен «Ұлттық салт – дәстүр – ұрпақ сабақтастығының негізі» тақырыбында аудандық деңгейде шара өтті.
Іс-шараға Масаншы ауылдық округінің әкімі Хусейн Буларов, Қордай аудандық білім бөлімінің басшысы Санат Әшірбеков, ауылдық ақсақалдар алқасының төрағасы Рамазан Омаров, «Әйелдер қауымдастығы», «Әжелер кеңесі» мен ауыл тұрғындары қатысты. Онда қазақтың ұлттық мәдениет пен тұлғаның тарихи тұтастығын, ұмыт қалған салт-дәстүрлер көрсетілді. Қонақтардың қатысуымен мәдениет үйінің ауласына ағаш ортырғызылды. Мерекеде мектеп оқушылары мың бұралған билері мен әуелеген әндерін орындап, өнерлерін көрсетті. Сонымен қатар, Ұлы ақын Абайдың өлеңдері мен қарасөздерін оқып ауыл тұрғындарын тәнті етті. Ұлттық салт-дәстүр – халықтың болмысын, тәуелсіздігін және болашағын қамтамасыз ететін генетикалық код сияқты. Ол ұрпақтарды біріктіретін «көпір» ретінде әрекет етіп, өткенді есте сақтау, бүгінді түсіндіру және болашаққа сенімділік туғызады.
