Жамбыл облысы бойынша ішкі мемлекеттік аудит департаменті «Камералдық бақылауды жүргізу қағидаларын бекіту туралы» Қазақстан Республикасы Қаржы министрінің бұйрығына сәйкес мемлекеттік сатып алуға камералдық бақылау жүргізеді. Оның мақсаты – сыбайлас жемқорлықтың алдын алу, бұзушылықтардың уақтылы жолын кесу және олардың орын алуына жол бермеу, мемлекеттік аудит объектісіне камералдық бақылау нәтижелері бойынша анықталған бұзушылықтарды өз бетінше жою құқығын беру, сондай-ақ аудит объектілеріне әкімшілік жүктемені азайту.
2024 жылы тексеруге жататын 26 975 мемлекеттік сатып алу рәсімінің 26 780-і камералдық бақылаумен қамтылды, бұл 98,3%-ды құрайды.
Бақылау шеңберінде ұйымдастырушыларға/тапсырыс берушілерге 6 398 хабарлама жіберілді, оның ішінде 6 272-сі орындалды, яғни 98,0%.
Хабарламалардың уақтылы және тиісінше орындалмауына байланысты ҚР ҚМ МҚА-ға шығыс операцияларын тоқтата тұру туралы 40 хат жолданды, 54 хаттама жасалып, сот органдарына берілді.
Жіберілген хабарламалардың нәтижесінде мемлекеттік сатып алу қорытындылары туралы хаттамалар қайта шығарылды.
Сонымен қатар, есепті кезеңде Департаментке өткізілген мемлекеттік сатып алулар бойынша заңды және жеке тұлғалардан 2 659 шағым түсті. Оның ішінде: 1 539 өтініш толық немесе ішінара қанағаттандырылды; 1 120 өтініш бойынша қанағаттандырудан бас тартылды.
Р.ДІЛДАЕВ, Жамбыл облысы бойынша ішкі мемлекттік аудит Департаментінің басшысы
