Көктемгі шақырылым науқаны аясында Қазақстанның түкпір-түкпірінен келген жас сарбаздар еліміздің Қарулы Күштері қатарына қосылуда. Олар әскери бөлімдерге келіп, алғашқы күндері саптық дайындық, тәртіп ережелері және әскери өмірдің негіздерімен танысуда. Әскерге алғаш келген сарбаздар үшін бұл үлкен жауапкершілік пен өмірлік маңызды кезең. Көпшілігі үшін бұл өздерін тәртіпке, төзімділікке және Отанға деген сүйіспеншілікке тәрбиелеудің бастауы.
