Қазіргі кезеңде мемлекеттік тілдің мәртебесін көтеру – ел дамуының стратегиялық міндеттерінің бірі. Қазақстан Республикасының Конституциясына сәйкес, қазақ тілі – мемлекеттік тіл.
Бұл мәртебе қазақ тілінің қоғамдық өмірдің барлық саласында кеңінен қолданыс табуын қамтамасыз етуге бағытталған. Мемлекеттік
тіл – тек ресми құжаттар мен мемлекеттік мекемелердің тілі ғана емес. Ол – халықтың рухани коды, ұлттық мәдениеттің, тарих пен дәстүрдің негізгі өзегі. Тілді сақтау – ұлтты сақтау деген сөз. Сондықтан мемлекеттік тілге деген құрмет тек заңмен бекітілген талап қана емес, әр азаматтың азаматтық борышы. Соңғы жылдары Қазақстанда мемлекеттік тілді дамыту бағытында бірқатар жүйелі жұмыстар жүргізіліп келеді. Білім беру ұйымдарында қазақ тілін оқытудың сапасы артып, мемлекеттік мекемелер іс қағаздарын қазақша жүргізуге бет бұрды. Сонымен қатар, бұқаралық ақпарат құралдарында, әлеуметтік желілерде, мәдени және қоғамдық іс-шараларда қазақ тіліндегі контенттің мөлшері айтарлықтай көбейді. Бұл — тілдің табиғи түрде дамып, қоғамдағы беделінің артуына жол ашты. Дегенмен мемлекеттік тілдің толыққанды қолданыс аясын кеңейту – тек мемлекеттік саясатқа байланысты емес. Бұл – қоғамның ортақ еңбегі. Кәсіпкерлердің, мекеме басшыларының, ұстаздардың, ата-аналардың, ең бастысы – жастардың белсенділігі маңызды рөл атқарады. Әрбір азамат өз ортасында қазақ тілін қолдануға ұмтылса, мемлекеттік тілдің мәртебесі сөзсіз жоғарылайды. Мемлекеттік тіл – ел бірлігінің негізі. Тілін құрметтеген халық қашанда биік тұрады. Сондықтан қазақ тілін дамыту мен насихаттау – еліміздің болашағына бағытталған ең маңызды қадамдардың бірі. Тілдің тағдыры – елдің тағдыры. Ал тілдің қадірі – оны қолданатын халықтың қолында.
С.Нәмет, бас маман, сот отырысының хатшысы
