Жақында №1 Дінмұхамед Қонаев атындағы мектеп-гимназиясында «Заң және тәртіп» қағидаты аясында Біріккен Ұлттар Ұйымының «Бала құқығы туралы» Конвенциясының қабылдау күніне орай дөңгелек үстел өткізілді. Бұл іс-шараның мақсаты – балалардың құқықтарын қорғау, оларды жан-жақты қамтамасыз ету және қоғамда бала құқықтары туралы ақпаратты кеңінен насихаттау.
Дөңгелек үстелге Қордай ауданы әкімдігінің кәмелетке толмағандардың істері және олардың құқықтарын қорғау комиссиясының хатшысы Алина Почуева, Жамбыл облысы әкімдігінің білім басқармасы Қордай ауданы білім бөлімінің әдіскері Ерлан Күнжанов, Қордай аудандық полиция бөлімінің ЖПҚБ ЮПТ УПИ инспекторы қатысып, шараның маңыздылығын атап өтті.
Іс-шараның негізгі бөлігі балалардың құқықтарын қорғау мәселелерін талқылауға арналды. Қатысушылар бала құқықтарын қорғауға арналған мемлекеттік бағдарламалар мен оларды жүзеге асырудағы кедергілерді талқылады. Сондай-ақ, кәмелетке толмағандармен жүргізілетін құқық қорғау жұмыстарының тиімділігін арттыру мақсатында ұсыныстар мен пікірлер алмасу болды.
Алина Почуева балалардың құқықтарының сақталуы өмірінің әр түрлі салаларында, атап айтқанда білім, денсаулық сақтау, әлеуметтік қолдау және құқық қорғау жүйесінде маңызды екенін айтты. Ол жасөспірімдер арасындағы құқық бұзушылықтарды алдын алудың маңыздылығын атап өтті. Ерлан Күнжанов өз кезегінде білім беру мекемелерінің мектептерде құқықтық білім беруді арттыру, балалардың заңгерлік сауаттылығын дамыту қажеттілігін баса айтты.
Бұл шаралар кәмелетке толмағандардың заңды құқықтарын қорғауға, олардың құқықтық сауаттылығын арттыруға және қоғамдық тәртіпті сақтауға мүмкіндік береді.
Дөңгелек үстел барысында қатысушылар балалар тарапынан көтерілген мәселелерді тыңдап, оларды шешу жолдары түсіндірілді. Осылайша, іс-шараның қорытындысы бойынша қатысушылар балалардың құқықтарын қорғау мәселелеріне қатысты өздерінің ұсыныс-пікірлерімен алмасты.
Сондай-ақ, дөңгелек үстелдің өткізілгені және жалпы бала құқықтары бойынша қоғамда түсінік қалыптастыру жұмыстарын жалғастыру қажеттілігі туралы ұсыныс жасалды. Іс-шараға қатысушылар бірлесіп бала құқықтарын қорғау бағытында жұмыс істейтіндігін және қоғамда зорлық-зомбылықсыз орта қалыптастыруға арналған жұмыстарды жалғастыратынын мәлімдеді.
Әділет ДҮЙСЕНҰЛЫ
