Мемлекеттік қызмет – қоғам мен мемлекет арасындағы байланысты нығайтатын маңызды институттардың бірі. Осы салада еңбек ететін әрбір қызметкердің кәсіби қызметі мен мінез-құлқы мемлекеттік аппараттың беделіне тікелей әсер етеді. Сондықтан Әдеп кодексінің талаптарын сақтау – мемлекеттік қызметкердің басты міндеті және халық сенімін ақтаудың маңызды шарты.
Әдеп кодексі мемлекеттік қызметшілердің қызметтік қызмет барысында ғана емес, күнделікті өмірде де ұстануға тиіс моральдық-этикалық қағидаларын айқындайды. Оның басты мақсаты – мемлекеттік қызметтің оң имиджін қалыптастыру, азаматтардың құқықтары мен заңды мүдделерін құрметтеу, сондай-ақ қоғамның мемлекеттік органдарға деген сенімін арттыру.
Мемлекеттік қызметкер өз жұмысында заңдылық, әділдік, адалдық және ашықтық қағидаттарын басшылыққа алуы тиіс. Әрбір азаматқа құрметпен қарап, өтініштерді уақытылы және сапалы қарау, қызметтік өкілеттіктерді жеке мақсатқа пайдаланбау – әдеп нормаларының негізгі талаптары. Мұндай ұстаным мемлекеттік қызмет көрсету сапасын арттырып қана қоймай, мемлекеттік басқарудың тиімділігіне де оң әсерін тигізеді.
Әдеп талаптарын сақтау ұжымдағы өзара сыйластық пен ынтымақтастықты нығайтады. Әріптестер арасында кәсіби қарым-қатынас мәдениетін қалыптастыру, қызметтік тәртіпті сақтау және жауапкершілікті сезіну – мемлекеттік қызметтің жоғары стандарттарын қамтамасыз ететін маңызды факторлар.
Әдеп кодексінің талаптарын сақтау – бұл заң талаптарын орындау ғана емес, халыққа адал қызмет етудің және мемлекеттік қызметтің абыройын арттырудың көрінісі. Өз міндетіне жауапкершілікпен қарап, жоғары адамгершілік қағидаларын ұстанатын мемлекеттік қызметкер ғана қоғам сеніміне ие болып, мемлекет дамуына лайықты үлес қоса алады.
Сондықтан мемлекеттік қызмет жүйесінде әдеп мәдениетін нығайту, кәсіби этика талаптарын күнделікті қызметтің ажырамас бөлігіне айналдыру – уақыт талабы. Әдептілік пен адалдыққа негізделген мемлекеттік қызмет қана халықтың сенімін нығайтып, әділетті әрі тиімді мемлекеттік басқарудың берік негізін қалыптастырады.
Ұ.ОМАРБАЕВА, Қордай аудандық сотының жетекші маманы
