Отан алдындағы әскери борышын өтеу әрбір ер азамат үшін міндет. Сол міндетті абыроймен атқару үшін жақында үш қордайлық азамат мерзімді әскер қатарына аттанды. Жас сарбаз атанған жандар туралы жазуымыздың да өз себептері бар. Еламан Атабаев, Қуандық Сапарбаев және Нұрдәулет Әлдемхан өздері білім алып жүрген жоғарғы оқу орнынан академиялық үзіліс алып, өз еркімен әскери борыштарын өтеуге аудандық әскери бөлімге барып жолыққан. Бүгінде олар еліміздегі әскери бөлімдерге жіберілді.
Өзгелерге үлгі бола білген азаматтарды тәрбиелеген ата-аналарына алғысымыз шексіз.
Әсет ЕСБОСЫНОВ, Степной ауылдық округі әкімі аппаратының бас маманы
