Бейсенбі күні «AMANAT» партиясы аудандық филиалының мәжіліс залында аудандық Қоғамдық кеңестің отырысы өткізілді.
Жиынды кеңес төрағасы Нұржан Молдабеков ашып, кеңестің күн тәртібіндегі мәселелермен таныстырды. Отырысқа қоғамдық кеңес мүшелері, бөлім басшылары, үкіметтік емес ұйымдар және БАҚ өкілдері қатысты. Сондай-ақ, күн тәртібіндегі бірінші мәселе бойынша «аудандағы денсаулық сақтау мекемелерінің халыққа көрсетіп жатқан қызмет сапасын зерделеу жұмыстары туралы» орталық аурухана бас дәрігері Айдын Байбеков, екінші сұрақ бойынша «жергілікті полиция қызметінің аудан көлемінде қоғамдық тәртіп пен қылмыстың алдын-алу бағытында атқарылған жұмыстарын зерделеу туралы» аудандық полиция бөлімінің басшысы Асхат Алметов, үшінші мәселеге байланысты «ауылшаруашылық жұмыстарының барысы, көктемгі егіс-дала жұмыстарына дайындық барысы туралы» аудан әкімдігінің ауылшаруашылығы бөлімінің бас маманы Алтынкүл Ағабаева, төртінші мәселеге орай «Масаншы ауылдық округі әкімі аппаратының мемлекеттік көрсетілетін қызметтер бойынша жұмыстарының есебі туралы» округ әкімі Хусеин Буларов, күн тәртібіндегі бесінші мәселе «халық тұтынатын азық түлік тауарларының бағасын тұрақтандыру бойынша аудан әкімдігінің кәсіпкерлік, өнеркәсіп және туризм бөлімінің атқарған жұмыстарының есебі туралы» аталмыш бөлімнің бас маманы Эльдар Дүнчебаев хабарламалар жасап, атқарылып жатқан жұмыстар жөнінде баяндады. Кеңес мүшелері қаралған мәселелерді талқылай отырып, өз ұсыныс-пікірлерін айтты. Жиын соңында кеңес төрағасы Нұржан Смағұлұлы қорытындылап, айтылған ұсыныс-пікірлерлер бойынша тиісті басшылық орындарға ұсынылатынын және орындалуы бақылауда болатынын білдірді.
