Кітапхана – қоғамның рухани дамуы мен білімнің кеңеюінің маңызды бөлігі. Бүгінгі таңда, «Қордай» Гуманитарлы-экономикалық колледжінде 2022 жылдан бері қызмет етіп келе жатқан Мейрамкүл Айнақожаева – өз ісіне берілген, білім мен мәдениетті насихаттап жүрген нағыз маман. Ол тек кітаптарды оқырманға ұсынумен ғана шектелмейді, сонымен қатар, білімгерлердің кітапқа деген қызығушылығын арттыру, олардың қабілеттерін дамыту үшін аянбай еңбек етеді.
Мейрамкүл Қасымханқызы – тек кітаптар тізбегіне ие адам емес, ол білім мен мәдениеттің насихатшысы. Ол білімгерлермен тікелей жұмыс істей отырып, олардың кітапқа деген қызығушылығын арттыруда ерекше әдістер қолданады. Оның көмегімен студенттер тек оқу бағдарламаларын орындап қана қоймай, сонымен қатар, кітапханаға қызығып, білімдерін кеңейту үшін жаңа ізденістерге ынталанады.
Кітапханадағы әрбір іс-шара, көрме, және танымдық кеш – оның шығармашылық ізденісінің нәтижесі. Мейрамкүл апайдың ұйымдастыруы арқасында, кітапхана білімгерлер үшін рухани демалыс, танымдық қозғалыс орталығына айналды. Ол ұйымдастырған түрлі шаралар білімгерлердің белсенділігі мен қызығушылығын арттырып, зияткерлік орта қалыптастырады.
Кейіпкеріміздің жауапкершілігі, кәсібилігі – оның басты ерекшеліктері. Әріптестері мен білімгерлері оның жасаған жұмыстарына жоғары баға береді. Ол әрдайым білім алушылардың жеке қажеттіліктерін тыңдап, олардың кітап оқу мәдениетін дамытуға күш салады. Кітапханаға келген әрбір студент өзіне қажетті кеңес алып, жаңа білім көздерімен таныса алады.
Кітапханашылар күні – қоғамымыздың кітапханашыларға, олардың жұмыстарын бағалауға, және олардың білім мен мәдениетті дамытудағы еңбегін атап өтуге арналған маңызды мереке. Мейрамкүл Айнақожаеваның зор қызметі мен адалдығы осындай мерекені атап өту үшін нағыз үлгі.
Аталмыш мамандардың еңбегімен білім мен мәдениет өркендейді, және рухани байлық әрбір азаматқа жетеді. Кітапханашылар күні – осындай ерекше адамдарға алғыс айту, олардың қабілеттерін құрметтеу, әрі білім мен мәдениет жолындағы жанқиярлық еңбектері үшін оларға құрмет көрсету күні.
Біздің қоғам үшін білім, мәдениет пен рухани дамудың маңызы зор. Сондықтан, 23 сәуір кітапханашылар күні мерекесінде біз Мейрамкүл Айнақожаеваның қызметін атап, барша кітапханашылардың еңбегіне шын жүректен ризашылық білдіреміз.
Әділет ҚҰТТЫБАЙ
