Жамбыл облысы, Қордай ауданы аумағында еліміздегі ең үздік биологиялық ғылыми зерттеу институты бар екені жастар жағы біле бермейді.
Институттың құрылу тарихы өткен ғасырдың 50-ші жылдарының аяғынан басталып, қалыптасуы мен дамуы тұрғысында екі кезеңнен тұрады. 1956 бастап 1991 жылдар аралығындағы «кеңестік» деп аталатын кезең және 1992 жылдан бастап қазіргі кезең.
КСРО Ауылшаруашылық ғылыми-зерттеу институты» мен КСРО Министрлер Кеңесінің 1958 жылғы 7 тамыздағы Қаулысымен және КСРО Ауылшаруашылығы министрі В. Мацкевичтің 1958 жылғы 18 қыркүйектегі №253 бұйрығымен екі зертхананың негізінде, яғни Бүкілодақтық өсімдікті қорғау институтының ғылыми-сынау станциясы және КСРО АШМ Ветеринариялық ғылыми-зерттеу зертханасы негізінде құрылған.
Ғылыми қызметінің алғашқы күндерінен бастап ұжым ветеринариялық вирусология және ауылшаруашылық фитопатология салаларындағы күрделі мәселелерді шешуге кірісіп кетті. Ғылыми-зерттеу жұмыстарының бағыттылығы мақсатты зертханалар мен ветеринария («В» секторы») және өсімдіктану («Р» секторы, орысша «растениеводство» сөзінен) секторларын түзуді талап етті.
«Биологиялық қауіпсіздік проблемаларының ғылыми-зерттеу институты» ЖШС міндетін – тәжірибе, білім, енгізу, өрлеу және қауіпсіздік ұғымдарымен жеткізуге болады. Ғалымдардың алдыңғы буынымен салынған салттарды сақтау – Институт қызметінің маңызды арқауы болып табылады.
Институт ықтимал биологиялық қатерлердің орын алу үрдістерін, жануарлар мен адамдар үшін патогенді экзотикалық және трансшекаралық инфекциялардың пайда болуының мүмкіндіктерін болжап, вирусология, биотехнология және биологиялық қауіпсіздік проблемаларын шешу үшін жоғарғы деңгейлі ғылыми-зерттемелік әзірлемелерді ұсынады.
Онда вирустардың, бактериялардың және зеңдердің молекулалық биологиясы және гендік инженериясы саласындағы гранттық қаржыландыру жобалары және ғылыми-техникалық бағдарламалар аясында емдік-алдын алуға арналған және балама жасауға арналған препараттарды әзірлеу үшін жаңа ғылыми білім алуға бағытталған ғылыми зерттеулер жүргізіледі. Денсаулық сақтау және ветеринария салаларына арналған биопрепараттар серияларының өндірістік және тіркеу сынақтарын, апробациясын, сонымен қатар, бақылауын жүргізу жұмыстары да атқарылады.
Институт 60 аса түрлі атаулы вакциналар мен балама жасауға арналған тест-жүйелерді даярлау технологияларын әзірлеген. 30 аса түрлі атаулы вакциналарды жасалған. Осыларды қатарында ҚР БҒМ Ғылым комитетінің «Биологиялық қауіпсіздік проблемаларының ғылыми-зерттеу институты» РМК ғалымдары COVID-19 коронавирустық инфекциясына қарсы QazVac (QazCovid-in) алғашқы отандық вакцинасын шығарған.
Зубаржат АЗИМБАЙҚЫЗЫ, Абылай хан атындағы халықаралық қатынастар және әлем тілдері университетінің студенті
