Қордай ауылында көктемнің келуімен дәстүрлі түрде жол инфрақұрылымын жақсарту жұмыстары жанданды. Биыл жөндеу жұмыстары бірден бірнеше маңызды көшелерді қамтып отыр. Бұл тұрғындардың қозғалыс ыңғайлылығы мен қауіпсіздігін қамтамасыз ету үшін аса маңызды.
Орташа жөндеу жұмыстары 2026 жылғы 26 наурызда басталды. Алдағы үш ай ішінде мердігер ұйымдар бірқатар көшелердегі жол жабындысын толық жаңартып, оларға заманауи көрініс беруді жоспарлап отыр.
Атап айтқанда, жөндеу тізіміне ұзындығы 0,73 км болатын Жеңістің 50 жылдығы көшесі кіреді, сонымен қатар Аңырахай көшесінің 0,415 шқ, Қазыбек би көшесінің 0,563 шқ, Қонаев көшесінің 0,449 шқ, Шу көшесінің 0,31 шқ жөндеуден өтеді. Сондай-ақ ең ұзын көшелердің бірі 1,847 шқ болатын Жамбыл көшесі енгізілген.
Айта кету керек, жұмыстар мұнымен шектелмейді. Сонымен қатар Қордай, Бәйдібек би көшелерінде және «Батыс» шағын ауданында да орташа жөндеу қатар жүргізілуде. Бұл учаскелердің жалпы ұзындығы 1,283 км-ді құрайды.
Мамандардың айтуынша, орташа жөндеу жұмыстары асфальтбетон жабынын жаңартуды, жолдағы ақауларды жоюды, сондай-ақ жолдардың пайдалану сапасын арттыруды қамтиды. Бұл өз кезегінде жол жабынының қызмет ету мерзімін ұзартуға және жол қозғалысы қауіпсіздігін арттыруға мүмкіндік береді.
Өз кезегінде ауыл тұрғындары жүргізіліп жатқан жұмыстардың маңыздылығын атап өтуде. Жаңартылған жолдар — бұл тек жайлылық қана емес, сонымен қатар елді мекеннің дамуына, көлік қолжетімділігінің артуына және өмір сапасының жақсаруына жасалған маңызды қадам.
Осылайша, Қордайда басталған жол жөндеу маусымын ауыл инфрақұрылымын жаңғыртудың маңызды кезеңі деп сеніммен айтуға болады. Жұмыстар жалғасуда, демек алда әлі де көптеген оң өзгерістер күтіп тұр.
