Сайлау – әр азаматтың өз пікірін білдіріп, елдің болашағына қатысты таңдау жасауына мүмкіндік беретін маңызды қоғамдық үдеріс. Дауыс беру арқылы әрқайсымыз мемлекетіміздің дамуына қатысты өз ұстанымымызды білдіреміз.
Құрылтайдың жоғары өкілді орган ретінде қалыптасуы еліміздің саяси жүйесіндегі маңызды өзгерістердің бірі. Оның құрамын қалыптастыруда халықтың таңдауы ерекше рөл атқарады. Сондықтан сайлаушының өз таңдауына жауапкершілікпен қарап, ел мүддесіне қызмет ете алатын азаматтарды қолдауы маңызды.
Халықтың сеніміне ие болған депутаттардың алдында қоғамдағы өзекті мәселелерді көтеру, азаматтардың заңды мүдделерін қорғау, әлеуметтік-экономикалық дамуға бағытталған бастамаларды қолдау сияқты маңызды міндеттер тұр.
Сайлауға қатысу – азаматтың қоғамдық өмірге араласуының бір жолы. Өз дауысыңды беру арқылы елдің дамуына қатысты көзқарасыңды білдіріп, ортақ іске өз үлесіңді қоса аласың.
Әрбір дауыс маңызды. Себебі елдің ертеңі билік органдарының жұмысына ғана емес, азаматтардың белсенділігіне, саналы ұстанымына және жауапкершілігіне де байланысты.
Сондықтан алдағы сайлауда әр азамат өз таңдауын ойланып жасап, дауыс беру құқығын пайдалануы қажет. Бұл – Конституцияда белгіленген құқықпен қатар, ел алдындағы азаматтық жауапкершілікті сезінудің көрінісі.
Саналы таңдау жасайық. Өз дауысымызбен елдің болашағына өз үлесімізді қосайық!
Абыкаева Айнұр, «Қордай ауданының этномәдени орталығының қауымдастығы» заңды тұлғалар бірлестігі жетекшісі
