«Ауыл – ел бесігі» жобасы ауылдық аумақтарды кешенді дамытуға бағытталған ауқымды бастамалардың бірі ретінде өз тиімділігін дәлелдеп келеді. Жоба аясында перспективалы елді мекендер іріктеліп, әлеуметтік инфрақұрылымды жаңарту, тұрғын үй, жол және инженерлік желілерді дамыту арқылы 7 миллионнан астам ауыл тұрғынының өмір сапасын арттыру көзделген. Мемлекет басшысы Қасым-Жомарт Тоқаев бұл бағытқа айрықша мән беріп, әрбір елді мекеннің дамуына қажетті қаржылық қолдауды қамтамасыз ету бастамаларын жүйелі түрде көтеріп келеді., деп хабарлайды baq-orda.kz.
Мойынқұм ауданында 2021–2025 жылдар аралығында жоба шеңберінде денсаулық сақтау, мәдениет және спорт салаларында бірқатар маңызды нысандар бой көтеріп, жаңғыртылды. Сонымен қатар елді мекендердегі автомобиль жолдары орташа жөндеуден өткізілді.
