Ұлттық құндылық – халқымыздың басты байлығы. Ал оны жас ұрпақтың санасына сіңіру, кеңінен насихаттауда қазақ аналарының үлесі зор. Елімізде халқымыздың салт-дәстүрін дәріптеп, өскелең ұрпақтың тәрбиесіне атсалысып жүрген ақжаулықты аналарымыз баршылық.
Наурыз айының басында Астана қаласында «Жаңа Қазақстан Республикалық инновациялық орталығы мен «Bilim-orkenieti» ұлттық инновациялық ғылыми — зерттеу орталығының» ұйымдастыруымен 8 наурыз – «Халықаралық әйелдер күні» мерекесіне орай «Аяулы ана» Республикалық форумы өткен болатын. Оған бір-бір шаңырақтың отанасы болумен қатар, қоғамдық өмірге де белсене араласып жүрген, ұлт болашағына бейжай қарамайтын еліміздің түкпір-түкпірінен жиналған асыл жандар қатысты.
Республикалық байқауға Қордай ауданынан аудандық ардагерлер кеңесінің «Аналар алқасының» төрайымы Қағазбай Роза Балабекқызы қатысып, «Аяулы ана» орденімен және бірінші дәрежелі дипломмен марапатталды.
